“Yaxın vaxtlarda Azərbaycan anti-terror əməliyyatı keçirə bilər"

"Qarabağda rus sülhməramlılarından başqa heç bir əli silahlı alternativ şəxslər olmamalıdır".

 

Bu fikirləri Milli Məclisinin üzvü Rasim Musabəyov deyib.

 

Deputat qeyd edib ki, lakin dəfələrlə həmin ərazidə erməni separatçılarının olduğunu müşahidə edilib:

 

"Buna görə də, Azərbaycan nəhayət müdaxilə etməyə məcbur oldu. Baxmayaraq ki, zarıyırdılar bütün dünyaya  ki, "yol bağlıdır, camaat orada acından qırılır". Halbuki, biz müşahidə edirik ki, avtomobillər rahat şəkildə ora gedib qayıdırlar və nə istəyirlər oradan daşıyırlar. Onları saxlayıb, yoxlama həyata keçirmək istədiyimiz halda hərbiçilərimizə atəş açıblar. Düşünürəm ki, bu təkcə ermənilər qarşısında qoyulan məsələ deyil, eyni zamanda rus sülhməramlılardan da bizim hesabat istəmək haqqımız çatır. Hesab edirəm ki, yaxın vaxtlarda Azərbaycan anti-terror əməliyyatı keçirə bilər".