Siyasət 3 Oktyabr 2023, 17:39 | Baxış sayı: 44
"Xankəndidəki "Baba və nənə" abidəsi Azərbaycan xalqının milli çalarlarından, ruhundan uzaqdır"

"Xankəndinin girişindəki "Biz və dağlar" abidəsi haqqında xeyli müddətdir, müxtəlif fikirlər səsləndirilir. Düşünürəm, hər abidə xalqın keçmişini, onun milli-mənəvi dəyərlərini özündə əks etdirən bir tarixdir. Sözsüz ki, ermənilərin "Baba və nənə" adlandırdıqları bu abidə araşdırılmalıdır. Tarixçilər, mütəxəssislər tərəfindən məsələyə dəyər verilməlidir. "Baba və nənə" abidəsində milli çalarlarımızın, milli ruhumuzun əksini görmürəm".

 

Bu sözləri açıqlamasında Milli Məclisin deputatı Tahir Rzayev deyib.

 

Deputat bildirib ki, o, Ermənistanda hərbi xidmətdə olub: "Belə abidələri Ermənistanda görmüşəm. Həm də onlar belə abidələrin kiçikdilmiş formalarını suvenir kimi turistlərə satır, təbliğ edirdilər. Sözsüz ki, "Baba və nənə" abidəsinin erməni şovinizminin təbliği kimi qiymətləndirilməsi qəbuledilməzdir. Mülahizələrə görə, ermənilər uzun müddət Qarabağın tarixini bu abidə ilə əlaqələndiriblər. Guya Qarabağın qədim tarixi ermənilərə aiddir, orada məskən salıblar, baba və nənələri öz torpaqlarına, milli-mənəvi dəyərlərinə  sadiqlik nümayiş etdiriblər. Ancaq bu "qədimliyin" heç bir əsası yoxdur. Tarix özü bilir ki, ermənilər bu torpağa sonradan gəlib, kütləvi şəkildə məskunlaşıblar. Hər yerdə azlıqların nümayəndələri var. Ancaq o demək deyil ki, məskunlaşdıqları torpağın sahibi onlardırlar, uzun müddət orada yaşayıb-yaradıblar. Hər birimizə yaxşı məlumdur ki, belə abidələri qorumaqla, müəyyən binalara öz rəmzlərini vurmaqla bu təcavüzkar millət onların guya ermənilərə aid olduğunu deyərək uzun müddət tarixiləşdirməyə çalışıblar. Onlar bəzən Azərbaycan məskənlərini, tarixi abidələrini belə özəlləşdirmək üçün daşların, abidələrin görkəmini pozub, üzərinə qondarma tarixlər həkk etdirib milliləşdirməyə çalışıblar. Görkəmindən də aydın hiss olunur ki, "Baba və nənə" də Azərbaycan xalqının milli çalarlarından, ruhundan uzaqdır. Məhz buna görə abidənin tarixi dəqiq öyrənilməlidir".

pravda.az

Xəbərlər