Plenar iclaslar 24 Oktyabr 2023, 14:12 | Baxış sayı: 135
"İnsanların savadı heç də diplomla ölçülməməlidir"

Milli Məclisin deputatı Fazil Mustafa peşə təhsili anlayışının “Qiymətləndirmə fəaliyyəti haqqında” qanun layihəsinə salınmasını təklif edib.

O bildirib ki, peşə məktəbini bitirib işində peşəkar olan hər hansı zərgərin ali təhsil almasına ehtiyac yoxdur.

F.Mustafa dəyişiklik layihəsində ali təhsil tələbininin aradan qaldırılmasını təklif edib:

“İnsanların savadı heç də diplomla ölçülməməlidir. Peşə diplomu da burada rol oynamalıdır. Qiymətləndirici işləmək qabiliyyətlə bağlı məsələdir. Ona görə də peşə təhsili diplomu məsələsi qanuna əlavə edilməlidir. Bundan başqa, 3 il staj tələbi isə çox azdır. Qiymətləndirici olmaq üçün daha çox staj tələb olunmalıdır. Test imtahanı ilə bağlı məsələ 6-cı maddədə göstərilib. Beynəlxalq sertifikatı olanların bu testdən keçməsinə nə ehtiyac var?!”.

Spiker Sahibə Qafarova isə ali təhsili şübhə altına alnmasına etiraz edib: “Bu qanun gələcəyə hesablanıb, yəni saxta diplom və s. məsələlər aradan qaldırılır”.

report.az

Xəbərlər