“Bütün sivil dünya xəcalət hissi keçirməlidir ki, Xocalı soyqırımını törədənlər hələ də azadlıqda gəzir”.

“Bütün sivil dünya xəcalət hissi keçirməlidir ki, Xocalı soyqırımını törədənlər hələ də azadlıqda gəzir”.

APA xəbər verir ki, bunu Milli Məclisin bu gün keçirilən iclasında deputat Qüdrət Həsənquliyev deyib.

Deputat təklif edib ki, Rusiya Federasiya Şurası və Rusiya Dövlət Dumasına müraciət edilsin: “Rusiya sülhməramlılarının nəzarəti altında olan ərazilərdə ermənilərin azərbaycanlılarla inteqrasiyası istiqamətində konkret addımlar atsınlar. Xocalıya ermənilərin məskunlaşdırılmasını dayandırsınlar. Biz xocalılıların öz yurd yuvalarına qayıtmasını biz təmin etməliyik. Xocalı soyqırımını törədənlərə xüsusi tribunalın təşkil olunması üçün BMT Təhlükəsizlik Şurasına müraciət edək. Böyük dövlətlər, xüsusilə BMT TŞ üzvləri öz bildiyini edir. Bu müraciətimizə müsbət cavab verəcəklərini düşünmürəm, o qədər sadəlövh deyiləm. Amma biz bu müraciəti ünvanlamalıyıq. Belə ağır cinayət törətmiş ermənilərin əməllərinə hələ də siyasi və hüquqi qiymət verilməyib”.

Deputat Razi Nurullayev isə Xocalı soyqırımına həsr olunan daha böyük parkın salınmasını təklif edib: “Bu parkda Xocalı soyqırımının qurbanı olan 613 nəfərin hər birinin abidəsi qoyulsun, onlar barədə məlumatlar bütün dillərdə abidənin üzərində qeyd edilsin. Bu, Azərbaycana gələn turistlərin də faciə barədə daha çox məlumat almasına imkan yaradardı”.