Siyasət 10 Oktyabr 2022, 16:04 | Baxış sayı: 83
“Bu səfərdə Praqa təmasları ilə əlaqəli xüsusi siyasi çalar axtarmağa dəyməz”

“Azərbaycan  və Ermənistan rəhbərləri adətən MDB-nin toplantılarında şəxsən iştirak edir və bu gün də Sankt-Peterburqda MDB Dövlət Başçılarının qeyri-rəsmi görüşündə cənab İlham Əliyevin və Nikol Paşinyanın iştirakı təbiidir. Prosesin Praqa görüşündən sonraya təsadüf etməsinin isə heç bir xüsusi səbəbi yoxdur, yəni bu səfərdə Praqa təmasları ilə əlaqəli xüsusi siyasi çalar axtarmağa dəyməz”.

 

Bunu Pravda.az-a açıqlamasında Milli Məclisin deputatı Bəhruz Məhərrəmov deyib.

 

Deputat bildirib ki, əksinə, təqvim ardıcıllığı Praqa təmasları barədə 10 noyabr bəyanatının qarantoru və region dövləti kimi Rusiyanın reaksiyasını öyrənmək, sülh prosesin səmərəlilik əmsalını artırmaq üçün Moskvanın nə kimi əlavə təkan vermək imkanlarını araşdırmaq baxımından münasib şans oldu: “Bu baxımdan, əlbəttə, Sankt Peterburqda Praqa təmasları barədə fikir mübadiləsi yəqin ki,  gedəcək, amma Rusiyada bu mövzuda müzakirələri Bakının müstəqil siyasi kursu üçün təhdid hesab etmək doğru deyil. Prezident İlham Əliyev müstəqil və balanslaşdırılmış siyasəti ilə elə bir geosiyasi konfiqurasiya formalaşdırıb ki, yekun sülh üzrə Moskva və Brüssel prosesləri bir-birini nəinki inkar etmir, əksinə, yekun məqsəd və məram üst-üstə düşür. Bu mənada Praqa prosesindən sonra Sankt-Peterburqda eyni tədbir çərçivəsində Azərbaycan və Ermənistan liderlərinin təkrar bir araya gəlməsi ümumi işə yalnız fayda verə bilər”.

Xəbərlər