"Bizi payız aylarında daha çətin vəziyyət gözləyə bilər".

"Bizi payız aylarında daha çətin vəziyyət gözləyə bilər. Bu da istər istəməz sərt qərarların qəbul olunmasını zəruriyyətə çevirər””

Naqif Həmzəyev: “Bu da istər istəməz sərt qərarların qəbul olunmasını zəruriyyətə çevirər”“Çox təəssüflər olsun ki, son dövrdə koronavirusa yoluxmada artım müşahidə edilir. Bildiyiniz kimi, yaz aylarında yoluxma sayında azalma müşahidə edildiyi üçün Operativ Qərargah tərəfindən mərhələli şəkildə yumşaldılmaya gedildi. Amma təəssüflər olsun ki, vətəndaşlar yumşaldılma qərarından sonra məsuliyyət hissini unutdular. Xüsusilə toy məclislərində əksər hallarda qaydalara riayət olunmadı. Bu da yoluxma sayının artmasına gətirib çıxardı”.

Bu fikirləri xalqcəbhəsi.az-a müsahibəsində millət vəkili Naqif Həmzəyev səsləndirib. O, əlavə edib ki, vaksinasiya ilə bağlı vəziyyət o qədər də yaxşı deyil: “Dövlət tərəfindən vaksinlər Azərbaycana gətirilsə və yanvar ayından etibarən peyvəndlənmə prosesinə start verilsə də vətəndaşlarımızın böyük əksəriyyəti hələ də vaksin vurdurmayıblar. Bu da yoluxmanın artmasına təsir göstərir. Düşünürəm ki, qorunmanın optimal yolu vaksin vurdurmaq, bununla da həm özünü həm də ətrafını qorumaqdır. Düşünürəm ki, insanlar ən qısa zamanda öz növbələrini götürərək, peyvənd vurdurmalıdırlar. Əks halda bizi payız aylarında daha çətin vəziyyət gözləyə bilər. Bu da istər istəməz sərt qərarların qəbul olunmasını zəruriyyətə çevirər. Heç kim istəmir ki, yenidən sərt qərarlar tətbiq edilsin, qapanmalar olsun. Bu baxımdan da mən bütün vətəndaşlarımızı vaksin vurdurmağa və dövlətin koronavirusla mübarizədə həyata keçirdiyi tədbilərə dəsətək olmaa çağırıram”.