Siyasət 25 May 2023, 4:33 | Baxış sayı: 79
“Azərbaycan və Ermənistan bu günə qədər heç olmadığı qədər sülhə yaxındır”

Azərbaycan və Ermənistan arasında sülh danışıqları üçün irəliləyişin olduğu ərəfədə erməni müxalifətinin etirazları sadəcə onların özünə ziyandır. Bu fikirləri Millət Vəkili Bəhruz Məhərrəmov “Operativ Media”ya açıqlamasında bildirib.

Bəhruz Məhərrəmovun sözlərinə görə, müharibə bitdikdən sonra qalib tərəf olmasına baxmayaraq ilk sülh addımını Azərbaycan atdı. Lakin Ermənistan tərəfi buna heç də isti münasibət bəsləməsə də bu gün reallıqla barışdığını əyani göstərir.

“Prezident İlham Əliyev elə geosiyası konfiqurasiyalar yaratdı ki, nəinki region dövlətləri , hətta böyük dövlətlər belə Azərbaycanın iradəsinin diqtəsi ilə razılaşmağa məcbur oldu. Nəticədə bir vaxtlar “Qarabağ Ermənistandır” deyən Paşinyan “Qarabağ Azərbaycandır” deməyə məcbur oldu.
Paşinyanın canlı yayımda Azərbaycanın 86,6 min kvadrat kilometr ərazisini tanıdıqlarını bəyan etməsi isə Ermənistan müxalifəti üçün yeni imkan olub. Millət vəkilinin sözlərinə görə, müxalifət  nə qədər populist çıxışlarla erməni xalqını revanşizmə çağırsa da, reallıq dəyişməyəcək. Çünki Azərbaycan 90-ci illərin Azərbaycanı olsaydı bunu ciddiyə almaq olardı. Ermənistanın indi başqa yolu yoxdur. 2023 cü il Ermənsitan üçün son şansdır. Hər gecikən günə görə Ermənistan daha çox itirəcək.

Xəbərlər