Cəmiyyət 20 İyul 2022, 15:48 | Baxış sayı: 28
"Aksiyada iştirak edən 3-5 nəfərə polis heç bir zorakılıq göstərmədi, kübarca davrandı".

“Milli Şuranın piket keçirmək planı növbəti dəfə iflasa uğradı. Özlərini yenidən biabırçı vəziyyətə saldılar, Nazirlər Kabinetinin qarşısında əsassız olaraq quru sərhədlərin açılması ilə bağlı aksiya keçirmək cəhdləri baş tutmadı. Onsuz da bu, razılaşdırılmamış, əsassız aksiya idi. Əvvəla, dünyada koronavirus pandemiyası hələ də davam edir. Bir çox ölkələrdə koronavirusa yoluxma halları sürətlə artır. Son günlər ölkəmizdə də artım tempi müşahidə olunur. Bununla yanaşı, region ölkələrində də yoluxma hallarının çoxaldığını görürük”.

Bu sözləri Pravda.az-a açıqlamasında Milli Məclisin deputatı Cavid Osmanov deyib.

Deputat xatırladıb ki, ölkə başçısı cənab İlham Əliyev 2022-ci ilin birinci yarımilliyinə həsr olunmuş müşavirədə quru sərhədlərinin açılmasının hələ tez olduğunu xüsusi vurğulayıb: “Bu, faktlara, rəqəmlərə söykənən məsələdir. “5-ci kolon”un, “xəyanətkarlar şurası”nın üzvləri, xaricdə oturub Azərbaycana qarşı şər-böhtan kampaniyası aparan, adlarını bloqer qoyub anti-Azərbaycan qüvvələrə nökərlik edən qüvvələr dəfələrlə çağırış etdilər. Buna baxmayaraq, “milli xəyanətkarlar şurası”nın, radikal düşüncəli qüvvələrin sosial bazasınını olmadığı növbəti dəfə sübuta yetirildi. Bir ay müddətində çağırış etdilər, lakin aksiyaya heç kim səs vermədi. 3-5 nəfərdən ibarət aksiya keçirdilər. Siyasi partiyalar hər hansı mitinq və ya aksiyanın keçirilməsi ilə bağlı müvafiq icra hakimiyyətinə müraciət etdikdə müvafiq yerlər təklif edilir. Onlar isə sosial bazaları olmadığından həmişə şəhər mərkəzini seçirlər ki, yoldan keçən sadə insanları əhatələrinə yığıb çox görünsünlər. Himayədarlarına təqdim etsinlər ki, guya sosial bazaları var. Xüsusi vurğulamaq istəyirəm ki, qanunsuz olmasına baxmayaraq, bu aksiyada iştirak edən 3-5 nəfərə Azərbaycan polisi tərəfindən heç bir zorakılıq göstərilmədi. Əksinə, polisimiz tam sivil qaydada növbəti dəfə onları ərazidən uzaqlaşdırdı. Ölkəmizdə “milli xəyanətkarlar şurası” tərəfindən ictimai-siyasi sabitliyi pozmaq cəhdləri növbəti dəfə iflasa uğradı. Azərbaycan polisi kübarca davrandı, bu cəhdlərin qarşısını uğurla aldı”.

Paylaşın

Xəbərlər