Cəmiyyət 28 Fevral 2024, 13:47 | Baxış sayı: 80
"Universitetlərin qarşısında mənşəyi məlum olmayan dönərlər satılır"

Universitetlərin qarşısında 1 manat 50 qəpiyə mənşəyi məlum olmayan dönərlər satılır. Bunu Milli Məclisin Səhiyyə Komitəsinin üzvü Kamilə Əliyeva deyib.
 
"Dönərdən zəhərlənmə halları ilə bağlı mətbuatda da məlumatlar yayılır. Universitetlərin qarşısında isə 1 manat 50 qəpiyə satılan dönərlərin satılmamsının şahidi oluruq. Hələ həmin qiymətə ayran da daxildir. Hesablasaq 50 qəpik ayran, 50 qəpiyə çörəyin pulu. Belə çıxır ki, bu ət pulsuzdur? Nəzərə alaq ki, hələ o ətə əlavə inqredentlər də vurulmalıdır. Maraqlıdır buna Qida Təhlükəsizliyi Agentliyi nəzarət edirmi? Hesab edirəm bu məsələlərdə diqqətli olmaq lazımdır”, - deputat fevralın 27-də Milli Məclisin Səhiyyə Komitəsini iclasında "Qida təhlükəsizliyi haqqında”
Qanuna münasibət bildirərkən deyib.

 

Bundan əvvəl Milli Məclisin plenar iclası zamanı deputat Tahir Kərimli söyləyib ki, Azərbaycanda qida təhlükəsizliyi ilə bağlı 3 labarotoriya olsa da, bu istiqamətdə heç bir irəliləyiş yoxdur. 

anews.az

Xəbərlər