Plenar iclaslar 9 İyul 2021, 14:14 | Baxış sayı: 348
“Deputatlara verilən töhmətin müddəti 6 aydır".

“Deputatlara verilən töhmətin müddəti 6 aydır. Bu, köhnə Kommunist Partiyasının töhməti deyil ki... Töhmətdən 6 ay keçibsə, artıq bu inzibati tənbehin vaxtı bitmiş hesab olunur”.

Bunu Milli Məclisin bu gün keçirilən iclasında parlamentin İntizam Komissiyasının sədri Eldar İbrahimov deyib.

Deputat bildirib ki, bu, qanunların birinə düşməlidir: “Gələcəkdə bu, əsasnaməyə yox, deputatlarla bağlı qanunların birinə mütləq salınmalıdır”.

Milli Məclis sədrinin birinci müavini Əli Hüseynli isə qeyd edib ki, gələcəkdə nizamnaməyə hansısa dəyişiklik nəzərdə tutulsa, deputatlara verilən inzibati tənbeh tədbirinin müddəti məsələsinə baxıla bilər.

Xəbərlər