39 SAYLI KƏPƏZ BİRİNCİ (GƏNCƏ) SEÇKİ DAİRƏSİ

  • Seçicilərin sayı: 39161
  • Seçilmiş vəkil: Müşfiq Cəfərov
  • Məntəqələrin sayı: 29
  • Ərazi: GƏNCƏ ŞƏHƏRİ,NİZAMİ PROSPEKTİ BİNA 12

Çağırışlar

  • - Milli Meclisin VI Çağırışı
Müşfiq Cəfərov
  • Partiya: YAP
  • Telefon: (+994 51) 892 35 88
  • Ünvan: Gəncə şəhəri, Atatürk prospekti, 434, YAP Gəncə şəhər Təşkilatının binası
  • E-mail: [email protected]

Müşfiq Cəfərov

Cəfərov Müşfiq Cəfər oğlu 26 iyul 1981-ci ildə Gəncə şəhərində anadan olub. 1998-ci ildə Gəncə şəhəri Məhəmməd Hadi adına 10 saylı orta məktəbi bitirib və həmin il Azərbaycan Kənd Təssərüfatı Akademiyasının Aqrar İstehsalatı İqtisadiyyatı və İdarəedilməsi ixtisası üzrə bakalavr pilləsinə daxil olub. 2002-ci ildə bakalavr pilləsini bitirib və həmin təhsil ocağının İstehsalat və Xidmət Sahələrinin İqtisadiyyatı və İdarəedilməsi ixtisası üzrə magistr pilləsinə qəbul olub və 2004-ci ildə fərqlənmə diplomu ilə bitirib. 1999-cu ildən başlayaraq ictimai işlərlə məşğul olub. 20 il ölkə səviyyəsində, 18 il isə beynəlxalq səviyyədə gənclərin vətəndaş cəmiyyətinin inkişafına istiqamətləndirilmiş layihələrin icrasında, o cümlədən, gənclərin məşğulluğunun artırılması, onların sahibkarlıq fəaliyyətinə cəlb olunması işində fəallıq göstərib. 60-dan çox ölkədə gənclərlə bağlı müxtəlif forumlarda, konfranslarda, treyninq və seminarlarda iştirak edib. 40-dan çox kiçik və irimiqyaslı layihələrin müəllifi və icraçısı olub. 2000-ci ildə təsis edilmiş “Gələcəyə Körpü” Gənclər İctimai Birliyinin həmtəsisçisidir. 2000-2011-ci illərdə Birliyin idarə heyətinin üzvü, sədr müavini, sədr vəzifələrində çalışıb. 2007-ci ildə İsveçin Malmö şəhərində Avropa Şurasının baş katibi Terri Devis tərəfindən “Fəal Gənc Vətəndaş” Mükafatına layiq görülüb. 2010-cu ilin yanvar ayından 2011-ci ilin iyun ayınadək “Beynəlxalq Əmək Təşkilatı”nın Azərbaycanın Qərb bölgəsində həyata keçirdiyi “Qadın Sahibkarlığının İnkişafı” layihəsində yerli əlaqələndirici vəzifəsində çalışıb. 2011-ci ilin iyun ayında ABŞ Dövlət Departamentinin “Hubert Hamfri” Proqramı çərçivəsində “Dövlət İdarəçiliyi” üzrə ABŞ-ın Minnesota Universitetinə daxil olub və 2012-ci ildə həmin universiteti müvəffəqiyyətlə bitirib. Proqramı uğurla başa vurduğu üçün ABŞ-ın sabiq prezidenti Barak Obama və baş katibi Hillari Klintonun imzası olan sertifikatla mükafatlandırılıb. 2012-ci ilin avqust ayından 2013-cü ilin fevral ayınadək Oğuz rayonunda yerləşən beş ulduzlu “AFRA” otelində icraçı direktor vəzifəsində çalışıb. 2013-cü ilin mart ayından 2020-ci ilin fevral ayına qədər Gəncə şəhəri Gənclər və İdman Baş İdarəsinin rəisi vəzifəsində çalışıb. Gəncə şəhər Gənclər və İdman Baş İdarəsinə rəhbərlik etdiyi 7 ildə gənclər və idman işinin inkişafında həyata keçirdiyi ən böyük layihələr sırasına - Gəncə şəhərinin 2016-cı ilin “Avropa Gənclər Paytaxtı” və 2019-cu ilin “Avropa İdman Şəhəri” daxildir. 2015-ci ildən Azərbaycan Dövlət Aqrar Universitetinin “Sosial investisiya strategiyalarının kənd təsərrüfatı məşğulluğunun yüksəldilməsinə təsiri" mövzusunda iqtisadiyyat üzrə fəlsəfə doktoru işini davam etdirir. 2017-ci ilin yanvar ayının 30-da Azərbaycan Respublikasında gənclərlə iş sahəsində əldə etdiyi uğur və nailiyyətlərə görə Azərbaycan Respublikası Prezidentinin Sərəncamı ilə "Tərəqqi" medalı ilə təltif edilib. İxtisas dərəcəsi kiçik müşavirdi. 2020-ci il 9 fevral Milli Məclisə keçirilən seçkilərdə 39 saylı Kəpəz birinci (Gəncə) seçki dairəsindən deputat seçilib. Ailəlidir, dörd övladı var.

ÇAĞIRIŞLAR

KOMİTƏLƏR

Ümumi Reytinq

Çıxışlara görə statistika

Aktivliklər

Xəbərlər