"Pelosi elə yaşdadır ki, nə desən ağlayacaq"
“Çoxları elə bilir ki, ABŞ Nümayəndələr Palatasının spikeri Nensi Pelosi ermənilər üçün ağlayır. Ancaq o, elə yaşdadır ki, nə desən ağlayacaq”.
Bunları Milli Məclisin vitse-spikeri, İctimai birliklər və dini qurumlar komitəsinin bu gün keçirilən iclasında komitənin sədri Fəzail İbrahimli deyib.
Komitə sədri bildirib ki, Pelosinin ağlamağı heç bir xeyir vermir. Əksinə, bu, Ermənistan üçün problem yaradan göz yaşıdır: “Onlar ağlamağı bacarmır, şou göstərir. ABŞ-da seçki keçiriləcək, Pelosi erməni lobbisinin səsini almaq üçün Ermənistana gəlib. Bunlar erməni pulu ilə senator seçilir, dolanırlar. Ancaq Pelosinin ağlamaqdan ürəyi gedib orda ölsə də, Azərbaycan əsgərləri yerindən tərpənməyəcək”.
Fəzail İbrahimli vurğulayıb ki, Nensi Pelosinin bu səfəri ABŞ demokratiyasının qara üzünü bir daha göstərdi.
Mənbə: Apa.az