52 SAYLI QUBA SEÇKİ DAİRƏSİ

  • Seçicilərin sayı: 47007
  • Seçilmiş vəkil: Vahid Əhmədov
  • Məntəqələrin sayı: 72
  • Ərazi: QUBA ŞƏHƏRİ Y. QASIMOV KÜÇƏSİ 3 A

Çağırışlar

  • - Milli Meclisin VI Çağırışı
  • - Milli Meclisin III Çağırışı
  • - Milli Meclisin IV Çağırışı

Vahid Əhmədov

Vahid Əhmədov 2 aprel 1947-ci ildə Quba rayonunun Qonaqkənd qəsəbəsində anadan olub. 1965-ci ildə Qonaqkənd orta məktəbini qızıl medalla bitirib. 1965-1971-ci illərdə Azərbaycan Politexnik İnstitutunda təhsil alıb, mühəndis-energetik ixtisasına yiyələnib. 1989-1992-ci illərdə Almaniyada Bonn Menecment İnstitutunu bitirərək, menecment-iqtisadçı beynəlxalq diplomuna layiq görülüb. 1967-1971-ci illərdə Şmidt (indiki Səttərxan adına) maşınqayırma zavodunda fəhlə, sex ustası, sex rəisi vəzifələrində çalışıb. 1971-1972-ci illərdə Sovet ordusu sıralarında xidmət edib. Hərbi xidmətini başa vurduqdan sonra yenidən maşınqayırma zavoduna qayıdaraq orada 1972-1977-ci illərdə sex rəisi vəzifəsində işləyib. 1977-ci ildə Bakı Radio zavoduna keçərək orada sex rəisi, istehsalat şöbəsinin rəisi vəzifələrində əmək fəaliyyətini davam etdirib. 1981-1983-cü illərdə Bakı Dəzgahqayırma İstehsalat Birliyində baş mühəndis vəzifəsində çalışıb. 1983-1986-cı illərdə "Bakı fəhləsi" adına maşınqayırma zavodunun, 1986-cı ildə Keşlə maşınqayırma zavodunun, 1989-cu ildə "Bakneftmaş" İstehsalat Birliyinin baş direktoru olub. 1980-ci illərin sonlarında Azərbaycan Kommunist Partiyası Nizami rayon təşkilatnın büro üzvü olub. 1991-ci ildə Azərbaycanın Müstəqillik Aktının hazıqlanmasında iştirak edib, Azərbaycanın müstəqilliyinin lehinə səs verib. 1991-ci ildə SSRİ-nin saxlanmasının əleyhinə səs vermiş 43 istiqlalçı deputatdan biri olub. Alma-Ata Memorandumunun və İcevan Protokolunun həyata keçirilməsini təmin etmək məqsədi ilə 10 sentyabr 1992-ci ildə yaradılmış Alma-Ata Memorandumunu və İcevan Protokolunu həyata keçirən Qərargahın üzvü olub. Vahid Əhmədov prezidentin 23 aprel 1992-ci il tarixli, 694 nömrəli Fərmanı ilə Azərbaycan Respublikası Baş nazirinin müavini təyin edilib. 16 may 1992-ci ildə həmin vəzifədən azad edilərək, Azərbaycan Respublikası Baş nazirinin birinci müavini təyin edilib. 18 may 1992-ci ildə həmin vəzifəyə yenidən təsdiqlənib. 29 aprel 1993-cü ildə də yenə həmin vəzifəyə təsdiqlənib. Prezidentin 9 dekabr 1993-cü il tarixli, 56 nömrəli Fərmanı ilə Azərbaycan Respublikası Baş nazirinin birinci müavini vəzifəsindən azad edilib. Milli Məclis 6 yanvar 1994-cü il tarixində Vahid Əhmədovun Baş nazirinin birinci müavini vəzifəsindən azad olunmasına razılıq verib. 1990-cı ildə Bakı şəhərinin Nizami rayonu 53 nömrəli "Gənclik" seçki dairəsindən Azərbaycan SSR Ali Sovetinə deputat, 2005, 2010, 2015, 2020-ci illərdə 52 saylı Quba seçki dairəsindən Azərbaycan Respublikası Milli Məclisinə millət vəkili seçilib. Prezidentin 29 yanvar 1991-ci il tarixli, 150 nömrəli Fərmanı ilə Vahid Əhmədova "Azərbaycan SSR əməkdar mühəndisi" fəxri adı verilib. Azərbaycan Azərbaycan Ali Sovetinin Fəxri Fərmanı və Azərbaycan Azərbaycan Respublikasının Şöhrət ordeni ilə təltif olunub.

ÇAĞIRIŞLAR

KOMİTƏLƏR

Ümumi Reytinq

Çıxışlara görə statistika

Aktivliklər

Xəbərlər