85 SAYLI ŞAMAXI SEÇKİ DAİRƏSİ

  • Seçicilərin sayı: 41648
  • Seçilmiş vəkil: Tamam Cəfərova
  • Məntəqələrin sayı: 63
  • Ərazi: ŞAMAXI ŞƏHƏRİ, A.MƏMMƏDAĞA KÜÇƏSİ 52 A

Çağırışlar

  • - Milli Meclisin VI Çağırışı

Tamam Cəfərova

Cəfərova Tamam Şaməmməd qızı 1959-cu il aprelin 5-də Bakı şəhərində anadan olub. 1976-cı ildə Bakı şəhəri 180 saylı orta məktəbi qızıl medalla bitirib. 1976-cı ildə M. V. Lomonosov adına Moskva Dövlət Universitetinin Tarix fakültəsinə daxil olub. 1981-ci ildə Azərbaycan Neft və Kimya İnstitutunda müəllim kimi əmək fəaliyyətinə başlayıb. 1987-1990-cı illərdə Azərbaycan Dövlət Universitetinin aspiranturasında əyani təhsil alıb. 1991-ci ildə namizədlik dissertasiyasını müdafiə edərək, tarix elmləri namizədi elmi adına layiq görülüb. 1996-ci ildən dosent vəzifəsində çalışır. 2007-ci ilə qədər Azərbaycan Dövlət Neft və Sənaye Universitetinin “Siyasi Tarix” kafedrasında, 2007-ci ildən 2019-cu ilin fevral ayına qədər Bakı Dövlət Universitetinin “Beynəlxalq münasibətlər və iqtisadiyyat” fakültəsinin “Diplomatiya və müasir inteqrasiya prosesləri” kafedrasında dosent vəzifəsində çalışıb. Hazırda Azərbaycan Dillər Universitetinin Beynəlxalq münasibətlər kafedrasının dosenti, Sosial məsələlər və ictimaiyyətlə əlaqələr üzrə prorektordur. Tamam Cəfərova 2006-2016-cı illərdə Azərbaycan Respublikası Mərkəzi Seçki Komissiyasının üzv olub. Tamam Cəfərova pedaqoji və elmi fəaliyyətlə yanaşı, Azərbaycanın ictimai-siyasi həyatında, vətəndaş cəmiyyətinin və qadın hərəkatının formalaşmasında və inkişafında fəal iştirak edib: 2000-2005-ci illərdə Milli Qeyri-hökumət Təşkilatları Forumunun vitse-prezidenti olub. 2000-ci ildən “Universitet Təhsilli Qadınlar” cəmiyyətinin təsisçisi və sədridir. 2002-ci ildən BMT Qadın İnkişaf Fondunun (UNIFEM) Azərbaycandakı Qadın Koalisiyasının (Koalisiya 1325) həmtəsisçisi və üzvü, Cənubi Qafqaz Qadın Koalisiyasının üzvüdür. 2003-cü ildə keçirilən prezident seçkilərində Heydər Əliyevin namizədliyini dəstəkləyən “Yeni Azərbaycan Naminə” ictimai hərəkatının həmtəsisçisi olub. 2005-ci ildə yaradılan, fəxri prezidenti ölkənin birinci xanımı Mehriban Əliyeva olan Azərbaycan Qadınlarının Milli Konfederasiyasının həmtəsisçisi və 3 həmsədrindən biri olub. Tamam Cəfərova Gender problemləri və konfliktologiya üzrə ekspert və regional statuslu təlimçidir. 2004-cü ildə ABŞ-ın Konsensus Quruculuğu İnstitutunun “Konfliktologiya və danışıqaparma bacarıqları” adlı 6 aylıq kursunu bitirib. Azərbaycan Respublikası prezidentinin sərəncamı ilə Tamam Cəfərova “Tərəqqi” medalı ilə təltif edilib. Tamam Cəfərova 2020-ci ildə VI çağırış Milli Məclisə keçirilən seçkilərdə 85 saylı Şamaxı seçki dairəsindən deputat seçilib.

ÇAĞIRIŞLAR

KOMİTƏLƏR

Ümumi Reytinq

Çıxışlara görə statistika

Aktivliklər

Xəbərlər