119 SAYLI AĞDAM KƏND SEÇKİ DAİRƏSİ

  • Seçicilərin sayı: 42447
  • Seçilmiş vəkil: Bəxtiyar Sadıqov
  • Məntəqələrin sayı: 42
  • Ərazi: AĞDAM RAYONU, QUZANLI QƏSƏBƏSİ

Çağırışlar

  • - Milli Meclisin VI Çağırışı
  • - Milli Meclisin II Çağırışı
  • - Milli Meclisin III Çağırışı
  • - Milli Meclisin IV Çağırışı
  • - Milli Meclisin V Çağırışı
Bəxtiyar Sadıqov

Bəxtiyar Sadıqov

Bəxtiyar Sadıqov 1951-ci il yanvarın 1-də Ağdam şəhərində anadan olmuşdur. 1965-ci ildə Ağdam Şəhər 4 nömrəli səkkizillik məktəbini bitirmiş. 1965-1969-cu illərdə Bakı Yerli Sənaye Texnoloji Texnikumunda oxumuşdur. 1969-cu ildə "Ağac biçmə və ağac emalı texnologiyası" üzrə texnik-texnoloq ixtisasına yiyələnmiş, fərqlənmə diplomu aldığına görə pedaqoji sovetin qərarı ilə ali məktəbə oxumağa ezam edilmişdir. Həmin ili Azərbaycan Dövlət Universitetinin (BDU) Jurnalistika fakültəsinə daxil olaraq 1974-cü ildə oranı da fərqlənmə diplomu ilə bitirmişdir. Texnikumda oxuyarkən texnikum üzrə tələbə həmkarlar təşkilatının sədri, Universitetdə isə Jurnalistika fakultəsinin komsomol təşkilat katibi seçilmişdir. Texnikumu qurtardıqdan sonra 6 ay - 1969-cu ilin aprelindən – sentyabrınadək Ağdam şəhər Kommunal Təsərrüfatı idarəsində fəhlə, BDU-nu qurtardıqdan sonra isə 8 ay - 1974-cü ilin sentyabrından 1975-ci ilin aprelinədək "Azərbaycan" nəşriyyatının qəzet-jurnal sexində çeşidləyici işləmişdir. 1975-ci ilin aprelindən "Abşeron" qəzetində əvvəlcə korrektor, sonra müxbir, kənd təsərrüfatı şöbəsinin müdiri, redaktor müavini vəzifələrində çalışmışdır.

1986-cı ildə "Kommunist" qəzetinə dəvət edilmişdir. 1986-cı ildən 1991-ci ilədək "Kommunist" qəzetində baş müxbir və kənd təsərrüfatı şöbəsinin müdiri işləmişdir. 1991-ci ildə yeni nəşrə başlayan "Həyat" qəzetinə dəvət edilmişdir. 1992-ci ilədək "Həyat" qəzetində zona müxbiri işləmişdir. "Həyat" qəzeti "Azərbaycan" qəzeti ilə birləşdirilərkən əvvəlcə hər iki qəzetin Qarabağ bölgəsi üzrə xüsusi – hərbi müxbiri işləmişdir. Daha sonra "Azərbaycan"ın müxbiri, şöbə müdiri olmuşdur. 2002-ci ilin aprelindən indiyədək "Azərbaycan" qəzetinin baş redaktorudur. Ehtiyatda olan zabit, kapitandır.

2000–ci ildə 119 nömrəli Ağdam kənd seçki dairəsindən Milli Məclisə deputat seçilmişdir. İkinci, üçüncü, dördüncü və beşinci çağrış Milli Məclisin deputatı olmuşdur.

İctimai işləri:

Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü

Mətbuat Şurası İdarə Heyətinin üzvü.

KİV-in İnkişafına Dövlət Dəstəyi Müşahidə Şurasının üzvü.

Respublika Ağsaqqallar Şurasının Məclis üzvü.

 

Qarabağ uğrunda müharibədən bəhs edən iki yüzdən çox məqalə, 50-dən çox elmi, bədii, siyasi və publisistik kitabın redaktorudur.

ÇAĞIRIŞLAR

KOMİTƏLƏR

Ümumi Reytinq

Çıxışlara görə statistika

Aktivliklər